ՆԱՏՕ-ի կենտրոնակայանում ներկայացվել են Հայաստանի պաշտպանական բարեփոխումները
ՆԱՏՕ-ի կենտրոնակայանում ներկայացվել են Հայաստանի պաշտպանական բարեփոխումները
ՀՀ պաշտպանության նախարարի առաջին տեղակալ Դավիթ Տոնոյանի գլխավորած պատվիրակությունը ՆԱՏՕ-ի կենտրոնակայանում մասնակցել է Քաղաքական եւ գործընկերության կոմիտե+Հայաստան ձեւաչափով հանդիպմանը:
Հանդիպման ընթացքում Դաշինքի անդամ եւ գործընկեր երկրների ներկայացուցիչներին Հայաստանի պատվիրակությունը ներկայացրել է պաշտպանական բարեփոխումների ընթացքն ու հեռանկարները: Քննարկվել եւ համաձայնեցվել են Պլանավորման եւ վերանայման գործընթացի (PARP) շրջանակներում Հայաստանի 2014թ. Գործընկերության նպատակները:
Հանդիպման ընթացքում կողմերը կարեւորել են պաշտպանական բարեփոխումների բնագավառում ՆԱՏՕ-ի հետ համագործակցության շարունակականության ապահովումը:
Դավիթ Տոնոյանը նաեւ հանդիպել է ՆԱՏՕ-ի գլխավոր քարտուղարի՝ քաղաքական եւ անվտանգության հարցերով տեղակալ, դեսպան Տերի Ստամատոպուլոսի հետ:
Կողմերը կարծիքներ են փոխանակել ՆԱՏՕ-ի հետ համագործակցության հեռանկարների, միջազգային եւ տարածաշրջանային անվտանգության շուրջ:
