ՆԱՏՕ-ն մտադիր է ամրապնդել իր արձագանքման ուժերի կարողությունը

 
Փետրվար 05, 2015
 
Յենս Ստոլտենբերգը

Յենս Ստոլտենբերգը 

 

ՆԱՏՕ-ի գլխավոր քարտուղար Յենս Ստոլտենբերգն այսօր հայտարարել է, որ այժմ «որոշիչ ժամանակաշրջան է Եվրոպայի եւ աշխարհի անվտանգության համար»:

«Այսօր մենք պետք է կայացնենք կարեւոր որոշումներ, որոնք վերաբերում են մեր հավաքական պաշտպանության ամրապնդմանն ու մեր գործընկերների հետ կայունության հաստատմանը», - ասել է գլխավոր քարտուղարը՝ այսօր Բրյուսելում մեկնարկող ՆԱՏՕ-ի անդամ երկրների պաշտպանության նախարարների հանդիպումից առաջ:   

Նա նկատել է, որ ՆԱՏՕ-ն արդեն ընդլայնել է իր ռազմական ներկայությունը Դաշինքի արեւելյան հատվածում:

«Այսօր մենք կձեռնարկենք հետագա քայլերը, որպեզի մեր ուժերն ավելի պատրաստ եւ արագ արձագանքող դառնան: Մենք կամրապնդենք մեր արձագանքման ուժերի կարողությունը: Որոշում կկայացնենք մեր վեց արեւելյան անդամ-երկրներում հրամանատարության եւ կառավարման միավորումներ ստեղծելու վերաբերյալ: Այս միավորումները թույլ կտան ավելի արագ եւ հեշտությամբ տեղակայել ՆԱՏՕ-ի ուժերը, որոնք կաջակցեն մեր հավաքական պաշտպանությանը եւ կօգնեն համակարգել բազմազգ վարժանքները»,- ասել է Դաշինքի գլխավոր քարտուղարը: 


 վերադառնալ