Անդերս Ֆոգ Ռասմուսեն. Վրաստանը կդառնա ՆԱՏՕ-ի անդամ, երբ բավարարի անդամակցության պահանջները
Անդերս Ֆոգ Ռասմուսեն. Վրաստանը կդառնա ՆԱՏՕ-ի անդամ, երբ բավարարի անդամակցության պահանջները
ՆԱՏՕ-ի գլխավոր քարտուղար Անդերս Ֆոգ Ռասմուսենն ասել է, որ Վրաստանը կդառնա Դաշինքի անդամ այն ժամանակ, երբ ամբողջությամբ բավարարի անդամակցության պահանջները:
«Թույլ տվեք հստակեցնել, որ մենք հանձնառու ենք 2008 թ.-ին Բուխարեստի գագաթնաժողովում կայացրած մեր որոշմանը: Դաշինքի անդամ երկրների արտաքին գործերի նախարարները կքննարկեն Վրաստանի այդ ձգտումը այս ամսվա վերջում կայանալիք հանդիպման ընթացքում»,- ասել է ՆԱՏՕ-ի գլխավոր քարտուղարը` Բրյուսելում կայացած ՆԱՏՕ-Վրաստան հանձնաժողովի աշխատանքների բացման ժամանակ:
Անդերս Ֆոգ Ռասմուսենն ասել է, որ Վրաստանը առաջընթաց է գրանցել պաշտպանության եւ անվտանգության ոլորտի թափանցիկության եւ հաշվետվողականության ապահովման տեսանկյունից, եւ Դաշինքը շարունակելու է աջակցել վրացական կողմին այդ բարեփոխումների իրականացման ճանապարհին:
«Ես վստահ եմ, որ մեր հաջորդ` Ուելսում կայանալիք գագաթնաժողովի ժամանակ կգնահատվի Վրաստանի արձանագրած առաջընթացը»,- ասել է Դաշինքի ղեկավարը:
