Հյուսիս-Ատլանտյան խորհուրդը Լեհաստանի առաջարկով նիստ է հրավիրում
Մարտ 04, 2014
Հյուսիս-Ատլանտյան խորհուրդը Լեհաստանի առաջարկով նիստ է հրավիրում
Հյուսիս-Ատլանտյան խորհուրդը, որը ներառում է ՆԱՏՕ անդամ 28 երկրների դեսպաններին, այսօր նիստ է հրավիրելու Լեհաստանի առաջարկով:
ՆԱՏՕ-ի Վաշինգտոնի համաձայնագրի 4-րդ հոդվածի համաձայն, Դաշինքի անդամ յուրաքանչյուր երկիր կարող է նիստ հրավիրել ցանկացած պահին, երբ այդ երկրի կարծիքով վտանգված է տվյալ պետության տարածքային ամբողջականությունը, քաղաքական անկախությունը եւ անվտանգությունը:
Ուկրաինայում եւ դրա շուրջ տեղի ունեցող զարգացումները դիտարկվում են որպես մարտահրավեր ՆԱՏՕ-ի անդամ հարեւան երկրների համար եւ ուղղակի եւ լուրջ հետեւանքներ ունեն Եվրոատլանտյան տարածքի անվտանգության եւ կայունության տեսանկյունից:
