Սեյրան Օհանյանն ընդունել է ամերիկյան խորհրդատուներին
ՀՀ պաշտպանության նախարար Սեյրան Օհանյանն այսօր ընդունել է Հայաստանի պաշտպանության ռազմավարական երկրորդ վերանայման (Strategic Defense Review-SDR) գործընթացին օժանդակող ամերիկյան խորհրդատվական խմբի անդամներին:
Այցի հիմնական նպատակը ռազմավարական վերանայման ընթացիկ` անվտանգության միջավայրի եւ սպառնալիքների գնահատման ուղղությամբ մեթոդական օժանդակության տրամադրումն է:
Հանդիպման ժամանակ կողմերը կարեւորել են ընթացիկ փուլի հանգուցային նշանակությունը ռազմավարական վերանայման ամբողջ գործընթացի հաջող իրականացման գործում:
Սեյրան Օհանյանը բարձր է գնահատել միջազգային խորհրդատուների ներդրումը ՀՀ անվտանգության ոլորտի համար կարեւորագույն այս ձեռնարկում:
Խորհրդատվական խմբի այցը կշարունակվի մինչեւ փետրվարի 28-ը: