Ջեյմս Ապատուրայն այցելեց ՆԱՏՕ-ի Տեղեկատվական կենտրոն
Նոյեմբեր 05, 2012
Ջեյմս Ապատուրայը գոհ է Երեւանում ՆԱՏՕ-ի Տեղեկատվական կենտրոնի աշխատանքից
Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայն այսօր Երեւանում այցելել է ՆԱՏՕ-ի Տեղեկատվական կենտրոն:
Ինչպես հաղորդում է Մեդիամաքս-ը, Ջեյմս Ապատուրային մանրամասն ներկայացվել է Կենտրոնի գործունեությունը, որը հիմնվել է 5 տարի առաջ` 2007թ. նոյեմբերին` ՆԱՏՕ-ի հետ Հայաստանի Անհատական գործընկերության գործողությունների ծրագրի շրջանակում:
Ջեյմս Ապատուրայը գոհունակություն է հայտնել Երեւանում ՆԱՏՕ-ի Տեղեկատվական կենտրոնի գործունեության կապակցությամբ, նշելով, որ այն կարեւոր դեր է խաղում հասարակությանը դաշինքի եւ ՆԱՏՕ-Հայաստան հարաբերությունների մասին ճշգրիտ տեղեկատվության մատուցման գործում:
