Քննարկվել են ՀՀ պաշտպանական բարեփոխումների ընթացքը եւ անելիքները |
|||
| 09 հուլիսի, 2010թ. | |||
Այսօր ՀՀ պաշտպանության նախարարությունում անցկացվեց խորհրդակցություն` նվիրված ՀՀ պաշտպանական բարեփոխումների ընթացքին եւ առաջիկա անելիքներին: Խորհրդակցության ընթացքում, որը վարում էր պաշտպանության նախարար Սեյրան Օհանյանը, քննարկվել են պաշտպանության ռազմավարական վերանայման գործընթացին եւ դրա շրջանակներում իրականացվող բարեփոխումներին վերաբերող հարցեր: Զեկույցներ են ներկայացվել ՀՀ պաշտպանական բարեփոխումների 2010-2015թթ. ծրագրի կատարման վերաբերյալ: «ՀՀ զինված ուժերի մարտական պատրաստության, զորահավաքային եւ մարտական պատրաստականության, մարտական հերթապահության ուղղությամբ իրականացված բարեփոխումները, նոր մոտեցումներն ու առաջավոր չափանիշներն արդեն դրական ազդեցություն են ունեցել բանակի մարտունակության որակական բարձրացման վրա», - Մեդիամաքս-ին հայտնեցին ՊՆ տեղեկատվության և հասարակայնության հետ կապերի վարչությունից: |
|||
Հեղինակային իրավունքը© 2008 Տրանսատլանտյան նախաձեռնությունների հայկական կենտրոն.
Դիզայնը` Mediabrand