Երեւանում մեկնարկել է Combined Endeavor 2010 զորավարժությունների պլանավորման կոնֆերանսը |
||
| 26 հունվարի, 2010թ. | ||
Այսօր Երեւանում իր աշխատանքն է սկսել ԱՄՆ Եվրոպական հրամանատարության “Combined Endeavor 2010” զորավարժությունների նախնական պլանավորման կոնֆերանսը: Ինչպես հայտնել է ՀՀ պաշտպանության փոխնախարար Արա Նազարյանը, կոնֆերանսին մասնակցում են ՆԱՏՕ-ի 30 անդամ եւ գործընկեր երկրների շուրջ 300 մասնագետներ: Կոնֆերանսի մասնակիցները կքննարկեն կապի, հեռահաղորդակցության եւ տեղեկատվական ոլորտներում փոխգործակցության բարձրացման եւ զարգացման խնդիրները: Զորավարժությունները կկայանան 2010թ. սեպտեմբերին Գերմանիայում եւ Ռումինիայում, եւ դրանց կմասնակցեն 40 հայ զինծառայողներ, հայտնել է Արա Նազարյանը: 2007 թվականին Combined Endeavor զորավարժությունները կայացել են Հայաստանում: Արա Նազարյանը դրական է բնութագրել Հայաստանի եւ ՆԱՏՕ-ի համագործակցությունը: Մասնավորապես, նկատել է նա, ՆԱՏՕ-ի հետ Հայաստանի Անհատական գործընկերության գործողությունների ծրագրի շրջանակներում երկրում իրականացվում են պաշտպանական բարեփոխումներ, եւ այդ գործընթացում արդեն ձեռք են բերվել զգալի արդյունքներ:
|
||
Հեղինակային իրավունքը© 2008 Տրանսատլանտյան նախաձեռնությունների հայկական կենտրոն.
Դիզայնը` Mediabrand